Mardongan olop-olop (Buku Ende No. 100, Buku Logu No. 155)

  1. Mardongan olop-olop Manaek Tuhanta i
    Jinangkon ni na torop Surusuruan i
    Antong nang hita pe Tapuji ma Tuhanta
    Marende-ende hita Marolopolop be
  2. Na mulak do Tuhanata Tu habangsaNa i
    Tu lambung ni AmaNa Di siamunNa i
    Disomba sasude Na di banuaginjang
    Tuhanta i, na monang Ro sian tano i
  3. Tatimbang ma lapangna Umbaen na songon i
    Ai naeng ma dohot hita Tumopot surgo i
    Antong taingot ma Ianggo Tuhan Jesus
    Ibana do patulus Nidok ni Debata
  4. Ditaon do hamatean Humophop hita on
    Pature pardalanan Na sian tano on
    Manogu hita be Tu lambung ni AmaNa
    Disi diadopanNa Naeng sahat sasude
  5. I pe ringgas ma hita Mangalo dosa i
    Manggotap roha daging Nang hajahaon pe
    Tahalungunhon be Tuhanta na di ginjang
    Ibana do na monang I ma tatiru be
  6. O Jesus Tuhannami Asi ma rohaMi
    Sai sesa dosanami Palua hami be
    Pamasuk hami on Tu hangoluan sogot
    Sai loas hami dohot Mamuji Ho tongtong

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: