Na Lao Do Birubiru I (Buku Ende No. 83, Buku Logu No. 214)

  1. Na lao do Birubiru i Mamorsan angka dosa
    Ni nasa hajolmaon i Di benget ni rohana
    Diporsan do sahitta i Di lehon do DiriNa i
    Tu tangan ni pamunu Ditaoni do na bernit i
    Ro di na tos hosaNa i Didok : Naeng porsanonku
  2. Ianggo Birubiru i , Ima alealengku
    Na paluahon tondingki Disuru Debatangku
    Didok mandok AnakNa i Sai topot ma pardosa i
    Naung sun tinoruanku Balga tutu do rimashi
    Alai tarbaen do mombun i Horhonon ni mudarMu
  3. Na olo au, ale Amang Sian sandok rohangku
    Pasauthon lomo ni rohaM, RohaM sambing do guru
    O holong ni rohaNa i Tung aha do tudosanmi
    Na songon ho margogo? Dilehon Debata hape
    AnakNa lao manaon sude Sitaonon ni na mago
  4. Saleleng na mangolu au, naeng ingotonku Jesus
    Sude na binaenMi di au, hataM naeng hupatulus
    Ho naeng haholonganku do , huhut ihuthononku Ho
    Di dalan hangoluan. Tung ingkon Ho, nampuna ahu
    Mangolu manang mate au. Sai Ho do tioponku
  5. O Tuhan hinauliMi Sai naeng endehononku
    Diringku ma peleanMi Na naeng seahononku
    O Jesus jalo ma au on Pasiat ma pamujingkon
    Baen sangap di goarMu Pasahat au tu surgo i
    Marhitehite mudarMi Baen intan di tumpalMu

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: